Skotárás

Áður en ég fór til USA þá var þetta einn af þeim hlutum sem mamma var efins með varðandi að fara í skóla hingað. Held samt að henni hafi ekki verið full alvara. En í gær gerðist svo hið klikkaðasta, sem ég hefði aldrei búist við að myndi gerast hér. Ég hef heyrt allskonar sögur, en ætla ekki að skrifa um neitt annað en ég veit að eru staðreyndir. Á skólatíma í gær, þá voru alls 6 manns skotnir í UAH og þar á meðal 3 látnir. Hinir eru inná spítala.

Skotárásarmaðurinn var prófessor í skólanum, útskrifuð úr Harvard og hafði meðal annars átt þátt í bættri tækni á farsímum, og hafði því unnið til einhverra afreka á sínu sviði. Ég veit ekki hvað kom til þess að hún gerði þetta, en hún skaut alls 6 aðra kennara.

Ég var á æfingu á meðan þetta átti sér stað. Æfingin var nýbúin og flestir leikmennirnir voru á leiðinni heim þegar okkur var bannað að fara úr húsinu. Enda byggingin þar sem þetta átti sér stað bara rétt handan við hornið og konan hafði hlaupið útúr því. Sérsveitarlögreglan mætti hinsvegar á svæðið og náði stjórn á hlutunum eftir þónokkurn tíma og var okkur þá hleypt heim.

Þetta er mjög sorglegt, þá sérstaklega fyrir fórnarlömbin og fjölskyldur þeirra. Þetta minnir mann á hvað þetta getur verið klikkaður heimur. Á svona tímum þakka ég fyrir hvað Ísland hefur verið lukkunarlaust við svona atburði.

Ég þekkti engan prófessor sem var skotinn eða skotárásarmanninn. Ég tek stærðfræði í sömu byggingu og þetta átti sér stað, og var einmitt í tíma þarna deginum áður. Nokkrir liðsfélagar mínir voru hinsvegar betur tengdir við fórnarlömbin.

Það er búið að loka skólanum út næstu viku og er nokkuð sérstakt andrúmsloft hérna á campusnum núna. Þakka allar kveðjur og vill minna á að allt er gott á mínum enda og engar áhyggjur sem neinn þarf að hafa af mér.

Kveðja,
Ragnarsson