Get ready

(Þetta blogg er jafn mikil snilld og þetta hár)

Undirbúið ykkur, þann 13. maí næstkomandi mun ég mæta sjúklega tanaður á Keflavíkurflugvöll.

Byrjum á því mikilvægasta í fréttum.

#1 Tan
(Ef vel er athugað þá er ég þriðji tanaðasti leikmaður liðsins á myndinni)

Ég er orðin frekar tanaður. Ég er búin að taka svona 1 dag á viku á sundlaugarbakkanum, 2 ef ég er í stuði. Ég myndi eflaust sitja þarna oftar ef ekki væri fyrir margar æfingar (þar sem það er ekki sniðugt að sitja mikið í sólinni fyrir æfingar) og auðvitað skólavinnu. Ef ekki væri fyrir það þá væri ég líklega kominn vel inná Mexíkana levelið í tani, en það verður að bíða betri tíma. Ég tók smá myndband um daginn sem gefur ágætis mynd af því hvernig fílingur er að chilla þarna.


Það sem er merkilegt við að vera hérna er að það er svo stabílt gott veður hérna. Það er nánast heiðskýrt úti og 30+ stiga hiti hvern einasta dag.

Þrátt fyrir þetta frábæra veðurfar og ljúfa líf þá er ég samt sem áður mjög spenntur fyrir að koma heim til Íslands í sumar. Ég mun aðeins vera í rúma 2 mánuði heima þetta sumarið þar sem ég mun fara út snemma aftur til þess að æfa við frábærar aðstæður og flott tækifæri sem mér bauðst hérna í gegnum liðsfélaga minn, en ég segi ykkur kannski betur frá því seinna.

#2 Körfubolti
(Það er fáranlega gaman að spila körfubolta)

Mánudagur og Miðvikudagur = Individuals (Einstaklingsæfing)
Þarna æfum við í 4 manna hópum með 3 þjálfurum. Þetta eru alveg hrikalega erfiðar æfingar en að sama skapi alger snilld og maður er drillaður alveg í pönnu.

Sunnudagur, Þriðjudagur og Fimmtudagur = Physical.
Það var ráðin alger snilldar styrktarþjálfari inní prógrammið sem heitir Brian Utley. Ég er þvílíkt hrifin af því sem hann er að gera með okkur. Hann er basketball specific (sérhæfður körfubolta) styrktjarþjálfari sem hefur unnið við þetta í gegnum fjöldan allan af árum. Þetta er einstaklingsmiðað prógram þar sem hver og einn þarf að vinna í mismunandi hlutum. Þrátt fyrir það förum við í gegnum mikið af því sama í grunnhreyfingum og öðru, en það verður mjög spennandi að sjá hvað gerist með þetta.

(Þessi rós er alveg fáranlega falleg)

Þess má geta að við vorum teknir í próf fyrsta kvöldið sem hann mætti hingað þar sem við vorum látnir framkvæma allskonar hreyfingar sem mæla: Styrk, jafnvægi og liðleika. Þetta voru skrýtnar æfingar sem við áttum að gera, og féllu liðsfélagarnir hvað eftir annað í prófunum. Það voru aðeins 2 í liðinu sem fóru perfect í gegnum þetta og var ég auðvitað annar þeirra. Ég mun samt ekki fagna þangað til ég mun mælast með mesta sprengikraftinn.

Þess má kannski líka geta að ég er orðin 94 kg en í síðasta leik sem ég spilaði með FSu á Íslandi þá var ég rúm 85kg. Annars reyni ég yfirleitt að miða mig frekar við snerpu - sprengikraft og styrk frekar en einhverja þyngd. Núna hugsa eflaust margir að ég sé orðin eitthvað feitur enda í landi feita mannsins en svo er nú ekki. Hinsvegar vil ég ekki verða neitt þyngri eða massaðri enda legg ég áherslu á annað. Þannig ég reikna núna með að droppa eins og 2-3 kílóum fyrir næsta tímabil.

(Erum aðeins svalari en þessi gaur)

Pick-up og aukaæfingar

- Við spilum liðið saman nokkrum sinnum í viku pick-up.

- Auk þess erum búnir að vera að fara félagarnir sjálfir að æfa á hverjum degi þar sem ég fæ yfirleitt James Smith eða Xavier Baldwin til að fara með mér. Spilaði reyndar 1 on 1 við James Smith fyrr í mánuðnum sem endaði með því að ég lenti illa á löpp James og sneri mig. Þurfti að sitja út í 2 vikur en það er allt gott núna og maður komin á fullt aftur.

#3 Skóli

(Ég og snillingurinn Sheila Ray formaður skólastyrkja UAH)

Maður þarf alltaf að vera duglegur í skólanum hérna í UAH. Veit ekki hvort ég hef tekið það fram í þessu bloggi en skólinn er hæst rankaði public skólinn í Alabama, og er talin mjög erfiður hérna á USA mælikvarða. Hann var á top50 lista Princeton yfir bestu skóla USA. Ætla samt ekkert að vera að hype-a það eitthvað upp hvað hann er erfiður, efast um að t.d HÍ sé eitthvað auðveldari. Meðal kaninn getur auðvitað verið soldið duglegur að væla yfir hlutunum. En samt sem áður þarf alltaf að sinna skólanum hérna. Maður labbar ekkert í gegnum UAH án þess að þurfa að mæta í tíma, fylgjast með (ekki bara sofna í krullunum sínum eins og maður var þekktur fyrir hérna í gamla daga) og svo læra heima.

Ég er búin að þurfa að eyða miklum tíma í lærdóm í vetur sem hefur skilad ser a margan hatt.

Það var lokahóf íþróttamanna í skólanum um daginn þar sem allir íþróttamenn skólans komu saman í kvöldmat þar sem var gefið allskonar verðlaun. Þar á meðal fékk ég viðurkenningu sem "Silver scholar athlete" sem er gefið út fyrir nemendur með góðar einkunnir.

Fyrir áhugasama þá var að koma út loka highlight myndband af vetrinum hérna. Getið skoðað það hérna. Getið einnig smellt á það til að horfa á í nýjum glugga ef þetta kemur einhvað funky út í browsernum ykkar.



Ætla að enda á nokkrum basic staðreyndum:
- Lagið Snabby í krókudílalandi með Magga Mix er alger snilld.
- Lagið á sama stað með Friðrik Dór og Erp er fáranlega gott.
- Spartacus eru bestu þættir sem hafa verið gerðir frá upphafi heimsins.
- Ég er fallegasti körfuboltamaður Íslands.

Kveð í bili,
Árni Ragg